პრესცენტრი სიახლეები & ღონისძიებები სამინისტრო საგზაო ინფრასტრუქტურის 140 პროექტს ახორციელებს

სამინისტრო საგზაო ინფრასტრუქტურის 140 პროექტს ახორციელებს

22 თებერვალი 2017

რეგიონული განვითარებისა და ინფრასტრუქტურის მინისტრი ზურაბ ალავიძე საავტომობილო გზების სარეაბილიტაციო და სამშენებლო პროექტების შემსრულებელი კომპანიების ხელმძღვანელებს შეხვდა. საქართველოს მეგზევეთა საზოგადოების ორგანიზებით, შეხვედრა სასტუმრო რედისონში გაიმართა.
ზურაბ ალავიძის განცხადებით, გზებზე მიმდინარე და დაგეგმილი სამუშაოები ყოველდღიური მონიტორინგის ქვეშაა. მინისტრმა და კომპანიების წარმომადგენლებმა სამუშაო პროცესში წარმოქმნილ სირთულეებზე და არსებული პრობლემების გადაჭრის გზებზე ისაუბრეს.
საავტომობილო გზების დეპარტამენტი, ამ დროისთვის 54 სამშენებლო- სარეაბილიტაციო პროექტს, მუნიციპალური განვითარების ფონდი კი - საგზაო ინფრასტრუქტურის მოწყობის მიმართულებით 86 პროექტს ახორციელებს.